Anyëkööl
Wɛ̈t cï nhiaam nɔ̈k
Wäärthɛɛr, wɛ̈tkui aake cë bäny ë ɣɔ̈k, bë raan tök anaŋ gal kabɛ̈t, ku naŋ raan dɛ̈t gal kabɛ̈t. Na le raan tök tak, ke lueel: “Wën ë wä, ɣok aacë bäny apɛi, cɔlku röt aɣööth buk ke ya nyi ke ye ca”. Go wën wun gam: “Kapath”. Ku kuec wën töŋ ye kek diäk.
Nawën la pen wën ɣööth ë keek thïn thök, ke Juur Mïthiɔ̈ɔ̈ŋ/Muɔ̈thiɔ̈ɔ̈ŋ bɔ̈ ku peec ɣɔ̈k ebën, abë ciën kë dɔ̈ŋ acïn. Go mony wën cë kuec ë ɣööth ya mïth ë mïïth ril kɔ̈ɔ̈th. Ku thou wɛ̈t wën cë ɣɔ̈ɔ̈th kedhie karou.
Kɛ̈ckë kë ye nhiaam looi jal tïŋ. Nhiaam acï Muɔnyjäŋ kääŋ thɔ̈ɔ̈th elä: “Jɛɛk anɛ̈k kök”, “Kuɛth awëër ë dɔl”, “Kuɛth le peel ë bith”, “Köth ë thok aŋuɛ̈ɛ̈n köth ë thar”, “Kɔ̈th ë liep aŋuɛ̈ɛ̈n kɔ̈th ë cök”.
Ke week, duɔ̈kkë ye tak, na cäk jak, ke we cë bë bɛn ŋɔ̈ŋ.