Maany
Wɛ̈t Nhom
Kën athör maany cuk gɔ̈t tënë week kuat cɔl Muɔnyjäŋ. Many ee wɛ̈t ye raan lueel bï yen käpath ku kärɛc cï röt luöi yen ë piërde yic teet yiic thïn. Many acie yam tënë Muɔnyjäŋ. Ee kën ë ye wärkuan dït looi thɛɛr. Many ee yic rou. Anaŋ many ciek cɔl ‘muɔ̈c’, ku many bär cɔl ‘wak’. Muɔ̈c ee ke ye looi të cï raan kërac tïŋ tëdä ke raan cuak yethok bï ŋeeny ku ler ee kërac yic ke cïn riɔ̈ɔ̈c yepuöu. Muɔ̈c aya, aye looi të cï yïn gäi. Na ye many b:ar, ke yen ë ya wak. Wak ee lɛ̈mlɛ̈m, ye raan kë wïc yepuöu wak ë wɛ̈lke. Wak ee ya cök tëdä ye göc. Göc ku cök aa ya diɛt. Diɛt akith yiic anaŋ yiic:
- Diɛt tɔŋ, yai
- Diɛt yath
- Diɛt piɔ̈ɔ̈ny
- Diɛt lɔ̈ɔ̈r, magɔ̈ŋ
- Diɛt dany, awec, aröŋ
- Diɛt wɛ̈c (kep, riɔ̈ŋ, tuar, alawut, acadha)
- Diɛt këtkët
Käkä ëbën aabɔ̈ bei ë many yic. Rin many yen acït kën ë ye kɔc dït kaŋ looi thɛɛr këc keek këriëëc ëbën guɔ jɔɔk. Na wäär lek käjuëc ŋic ë piërden yic, ke muɔ̈c acï rɔt juak bï ya many wak ku diɛt. Ɣɛn abï kɔ̈ɔ̈c etɛ̈n, ku week aaba thiëëc na le raan la kë wïc ba juak ë wɛ̈tdiɛ̈n yic tëdä le kë wïc bï dhɔ̈l ë wëlkiɛ̈n k'a yiic, ka dhil ɣa gät, Ë rin kë ye cɔl athöör, ee këlɛn ye jaam yic. Na le tëdak thïn, ka dhil nyooth ku acï lëu bï agɔ̈ɔ̈t dak puöu. Ɣɛn acï rɔt gäm week ku bäk ɣa dhɔ̈l thok. Ec ɣɛn raan piŋ wɛ̈tdun cɔl:
Muɔrwël Ater Muɔrwël