Agamlöŋ Online

Anyaar jɔt rot.
Macar Anyaar jot rot.
Mathon jɔt rot, akaldu acï bɛn,
Kuany köt ku wat tɔŋ nhom, ahaldu acï bɛn.
Ater thɛɛr acï bɛn, kuany köt ku wat tɔŋ nhom.
Kɔc dhäl yïŋ abï tïŋ awiith nhïïm.
Kɔc ater abï tïŋ yɔ̈ŋyɔ̈ŋ awiith nhïïm.

Cöör ŋoot muɔ̈th yic, cöör cie daai temec.
Cöör kuc katueŋ cöör döt aduɔ̈k yic.
Cöör ŋuɛn cɔr thel wai.
Cöör cï puɔ̈th thou, cöör ŋuɛn alei.
Aa pïr rim, alap riɛmken.
Aabï tïŋ, abï döt awiith nhïïm.
Aabï Mathon tïŋ yɔ̈ŋyɔ̈ŋ awiith nhïïm.

Anyar jɔt rot, ater acï bɛn.
Kuany köt ku wat tɔŋ nhom, akaldu acï bɛn.
Ater thɛɛr acï bɛn, kuany köt ku wat tɔŋ nhom.
Ater adöt yïn.

\\\

Ater thɛɛr adai yïn.
Acïn raan dɛ̈t, ater aŋic wun.
Ater thɛɛr adai yïn, jɔt rot ku wat tɔŋ nhom.
Yïn cïn yïkɔ̈u kuatdu acï nuɔc ca agör.
Kuany köt ku wat tɔŋ nhom, raan dɛt aliu.
Ater aŋic wun be lëu, raan dɛt aliu.

Acï mat ku kerkë yïn.
Aŋic yïn, aŋic kɛ̈ɛ̈c, aŋic Anyaar.
Aŋic yïn, aŋic kɛ̈ɛ̈c, aŋic Muɔnyjäŋ.
Aŋic yïn, aŋic kuat Abdel Latif.
Aŋic mony cï baai tem kɔ̈u ku gut yenhom piny.
Aa many të mec yïn
Ku aye ajuɔ̈k lac dɔm të tiŋ kek yïn.
Muɔc kek Aŋui ku Cor akuɛth të dööt kek yïn.

Anyaar jɔt rot, ater acï bɛn.
Kuany köt ku wat tɔ\h nhom, akaldu acï bɛn.
Ater thɛɛr acï bɛn, kuany köt ku wat tɔŋ nhom.
Ater adöt yïn.
Ater thɛɛr adai yïn.
Acïn raan dɛ̈t, ater aŋic wun.
Ater thɛɛr adai yïn, jɔt rot ku wat tɔŋ nhom.
Yïn cïn yïkɔ̈u kuatdu acï nuɔc ca agör.
Kuany kɔ̈t ku wat tɔŋ nhom, raan dɛt aliu.
Ater aŋic wun be lëu, raan dɛl aliu.

Abɛɛr acï peec, ɣäkken acï rum dhaŋ.
Ater aŋoot diäär ku mïth acï bɛn peec.
Monydït ku tiŋdït aacï riɛp luɛɛk.
Acï cuäny luɛɛk, ater thɛɛr aŋoot.
Meth ku raandït acï thök Abiɛi.

Malueth ë lueth lueel,
Ku coth yethok piny cï diɛ̈n atot.
Aacie diɛɛr, aacie riɔc.
Aakuc Nhialic, aakuc Madhol.
Ee riäŋ kuc meth ku raan cï dit.
Aacï jur peec, weŋ ku raan aacï jur peec.
Kɔc cï döŋ acï thök Abiɛi.
Acïk näk thök, ater thɛɛr aŋoot.
Acïn raandït ku mänh cï döŋ.
Acïk näk thök,
Kur wïïr Rit yic ku Dhɛɛn acien.
Ɣɛn cïn ɣa kɔ̈u, kuatdiɛ̈ aca ŋaany.
Kuatdiɛ̈ acï nuɔc ca agör, aaca ŋaany.

Thou aca gam acut adït piny ee piɛnydiɛ̈.
Jiɛ̈k piiny ku jiɛk wïïr piny ee peɛnydiɛ̈.
Ke tɛr aŋiɛc piny ee piɛnydiɛ̈.

Anyaar jɔt rot, ater acï bɛn.
Kuany köt ku wat tɔŋ nhom

Dut Anyakdït