Agamlöŋ Online

Ɣɛn acï wuɔ̈ɔ̈t keer.
Ɣɛn acï wuɔ̈t juëc keer.
Kɔc ater, kɔc män ɣɛn ajuëc.
Kɔc man gɛn, mɛ̈n ɣa riɛl ajuëc.

Yic acie puɔl, lueth acie gam.
Aca gam lueth aca gam.
Aca gam ruëny aca gam.
Aca gam wëëŋ aca gam.

Ɣɛn acï ben cak.
Duet-duet ɣɛn aca gam.
Ɣɛn ee kuat thɛɛr, kuat adööc.
Duet-duet ɣɛn aca gam.
Ɣɛn ee kuat ril, ciɛŋdiɛ̈ aca päl.
Ɣɛ̈n ee kuat ril, wɛ̈ŋ-wɛɛŋ ɣɛn aca gam.

Aca ŋic, tuɔɔp arou aca ŋic.
Acï gäi, manh nya acï gäi.
Tuɔ̈pde aca ŋic, go gäi.
Acï gäi, abïï toc acï gäi.
Waalde aca ŋic, go gäi.
Aca ŋic, lueth ku ruëny akuany baai yic aca ŋic.
Akuany baai yic acï war piac teem.
Awic ŋueŋ ciɛl acie riɔc.
Acie nyin nyop awic kör ciɛl acie riɔc.
Ee cath yiŋ rot awïc të thuth acie riɔc.
Ee jam ba ciɛŋde gam ba yanhde theek acie riɔc.

Aca gam, ɣɛn ala yath.
Noon malualdït, mathiäŋguuk ca kɔŋ piäät.
Ɣɛn ala yath, Alööl Loŋar, maatem kɔc ca kɔŋ piäät.
Rïŋ akec, mathiäŋguuk ca kɔŋ luɔ̈i yïk.
Atëm aril maadhuny kɔc ca kɔŋ piäät.
Ɣɛn mɛc Madhol ku mac Garaŋ.
Yänh thɛɛr wadït aca päl.

Atueny kɔ̈u wiën ayɛɛm kɔ̈u.
Alueeth wut acuk mat buk kot.
Atɛɛm kɔ̈u wiën atueny kɔ̈u.
Awëëŋ baai acuk mat buk döc.
Atueny kɔ̈u tïl atɛɛm kɔ̈u.
Wïn Atɔc aguen atɛɛm, wiën atɛɛm.
Acïn raan lëu yen bë kɔɔc, acɔɔm akuem.
Acɔ̈m Agaal akuem, acɔɔm akuem.

Aca ŋic, tuɔɔp arou aca ŋic.
Acï gäi, manh nya acï gäi.
Tuɔ̈pde aca ŋic, go gäi.
Acï gäi, abïï toc acï gäi.
Waalde aca ŋic, go gäi.
Acï ŋic, lueth ku ruëny akuany baai yic aaca ŋic.

Ɣɛn aril, mɛikië aril.
Ɣɛn ee tim ril, tim la mei ril.
Gir ku yom aa kërkiɛ̈ dhoŋ,
Ku dɔ̈ŋ ɣa kääc ɣɛn aril.
Ɣɛn aril, ɣɛn ee kal ril.
Ɣɛn ee rɔk ril, gir ku yom aaya jɔ̈c nhïïm.
Gir ku yom aya jɔ̈c nhïïm, ɣɛn aril.
Ɣɛn aril, të bak aliu.
Ɣɛn ee rɔk ril, të bak aliu.
Wuɔ̈t tɔ̈ ciën acï cuup, ɣɛn aril.
Ɣɛn ee giŋ të bak aliu, ɣɛn aril.
Ɣɛn ee rɔk ril wuɔ̈t tɔ̈ ciɛ̈n acï döt, ɣɛn aril.
Kuat tɔ̈ ciën acï döt, ɣɛn aril.

Ɣɛn Anyar, mathon mɛk wut aköl, ɣɛn aril.
Ɣɛn aril, magɔk Nyaŋ cï ŋër wɛɛth, ɣɛn aril.
War acï tem wanh cääl aliu, ɣɛn aril.
Yïn amuɔ̈u të cääl aliu, ɣɛn aril.
Ɣɛn ee rɔk ril, të bak aliu.
Luaac rot piny buk tek apath, të bak aliu.
Ɣɛn ee giŋ të bak aliu, ɣɛn aril.
Luaac rot piny buk puɔ̈k apath, të bak aliu.

Dut Anyakdït