Agamlöŋ Online

Bär Gädhal ee pan ci kɔc dhal.
Bär Gädhal acï alɛi them,
Go ke dhal.
Bär Gädhal ee wël mat.
Yen acï yen kɔc dhal.

Ye alen nɛn, këc ye them,
Go ye dhal?
Acï them bï ɣɔɔc,
Go kɔc dhal.
Go bɛn kuɔ̈t röt ku bï nɔ̈k,
Go kɔc dhal.

Kɛ̈c tɔ̈ Bär Gädhal,
Aa kɛ̈c cï kɔc dhal.
Aa thou rin Bär Gädhal,
Na cɔk atɛr ɣa gööm,
Ka ŋuɔt ke dhal.
Na bïï alei dhal,
Ku cuɔp wei ku dhäl.

Acïn aluenh cï kaŋ bɛ̈n Bär Gädhal
Ku cï dhäl
Të cɔk yen bɛ̈n ke cï muɔ̈l, ka dhäl.
Të cɔk yen jam ke Nhialic, ka dhɛ̈l.
Ɣɛn alec Nhialic rin cï yen
Ɣa cak, ke ɣa ye Bär Gädhal.
Aa yiith kek acï ɣɛn
Ke kɔc dhal.
Raan cie jam yith Bär Gädhal ye cuɔp wei ku dhɛ̈l.
Na cï jam yïth Bär Gädhal,
Ke yïn adhɛ̈l.
Aa yith kek acï ɣok ke kɔc dhal.
Raan dhɛ̈l Bär Gädhal
Ala këriil dhɛ̈l.

Acïn këmiit liu Bär Gädhal.
Na wïc miëth, ka yök Bär Gädhal
Na wïc dhëëŋ, ka yök Bär Gädhal
Na wïc kɛ̈ny tɔŋ, ka yök Bär Gädhal
Na wïc kɛ̈ny mïëth, ka yök Bär Gädhal
Na wïc kɛ̈ny wël, ka yök Bar Gädhal.
Bär Gädhal ee pan cï kɔc dhal.

Ɣɛn ee wut cɔ̈ɔ̈c.
Ɣɛn ee baai ciɛlic.
Ɣɛn ee Wau.
Ɣɛn ee wun baai.
Ɣɛn akëc alɛi baai.
Ɣɛn akëc riɔ̈ɔ̈c ba wei nyaai.
Ɣɛn ee thou rin baai.
Ɣɛn ee tuŋ ë piny.
Ɣɛn ee baai yäc.
Ɣɛn abiöök.
Ɣɛn ee marɔ̈l wut.
Ɣɛn ee manh adöny thɛɛr, wun baai.
Ɣɛn abiɔ̈ŋ ril.
Ɣɛn adööc wun baai.
Ɣɛn ee wël Wau.
Ɣɛn ee yic ku lueth aya Wau.
Ɣɛn ee kɔc Wau.

Bï alueeth ku ariɔ̈ɔ̈c bïk röt Wau.
Bï ayur kek adak röt Wau.
Bï mëtil ku Lum bïk röt Wau
Bï athiööth ku atët bïk röt Wau.
Bï gïthalïŋ ku acoor bïk röt Wau.
Bï ajak ku Laaŋ ku aŋäŋ bïk röt Wau.
Bï mëkuiŋ ku abiökrual bïk röt Wau.
Bï adïjöök ku atët bïk röt Wau.
Bï acɔk ku amiööc bïk röt Wau.

Ɣɛn ee Wau.
Ɣɛn ee wël Wau.
Ɣɛn ee kɔc Wau.
Bï këriëëc ëbën rëër cï rot Wau.
Na ye ariɔ̈ɔ̈c, ke yï jɛ̈l Wau.
Na ye amuɔ̈l, ke yï jɛ̈l Wau.
Na ye alueeth, ke yï jɛ̈l Wau.
Na ye adakrot, ke yï jɛ̈l Wau.
Na ye lum, ke yï jɛ̈l Wau.
Na ye mëtil, ke yï jɛ̈l Wau.
Na ye athiööth, ke yï jɛ̈l Wau.
Na ye ayur, ke yï jɛ̈l Wau.
Na ye adïjöök, ke yï jɛ̈l Wau.
Na ye cuär, ke yï jɛ̈l Wau.
Na ye gïthaliŋ, ke yï jɛ̈l Wau.
Na lɔ guɔ̈p kuith, ke yï jɛ̈l Wau.

Wau, ee pan wël Wau.
Wau, ee pan këriëëc ëbën Wau.
Wau, acie pan yïn wuɔɔu.
Wau, ee pan kɔc Wau.
Wau, acie pan yïn kiɛɛu.
Wau, akuc tiɛɛl.
Wau, acï kuec bï käŋ alooi kiɛɛu.
Wau, acie käk ë baai looi ë riɛl.

Rin kä ye looi ë kiɛɛu,
Ku kä ye looi ë riɛl,
Ace röt ë tiɛɛŋ.
Ku ke wäth bï ya tiɛɛl.
Na cɔk bɛ̈n ke riɛl,
Ke yïn abï Wau yor ba liɛr.
Jak ëke tit Wau, aa bï yor ba liɛr.
Na ye raan cïn puöu tiɛɛl,
Ke Wau aguiir ba riɛl.
Ɣɛn ee Bär Gädhal.
Ɣɛn ee pan cï kɔc dhal.
Aa yith ku kɛ̈ɛ̈c ku liɛr puöu,
Kek acï ɣɛn ke kɔc dhal.

Muɔrwël Ater Muɔrwël