Maany
Aboja
Yeŋö loi rot Aboja
Ye ruëëny yen lui ɣɛn Aboja
Ye yai yen cëm ɣɛn Aboja.
Yïn Babanjida
Yïn awïc ba luk luɔ̈k aduɔ̈kic
Yen tëwäär luɔ̈i Biäpara
Yeŋa bï yiɛnydiɛ̈ pëën pan Apirika
Yïc acie thou ku yic acie tiaam.
Yanh cäk tääu we nhïïm mïth Apirika
Yen ee yanh rɛc Apirika
Ye yïŋa ke rɛc Apirika
Yakä röt thiëëc mïth Apirika
Ye yïŋa ke ɣöc kɔc col Amerika
Yanh ye alei theek kek Kawaja
Yic ako thïn
Yëth cï ɣo tek yiic pan Apirika
Ye kek ke pïïr kɔc Apirika.
Yic aca yök mïth Apirika
Ee dɛ̈l thith kek dɛ̈l ɣer keek aa yeku theek pan Apirika
Yëth yeku theek pan Apirika
Awär yanh ye alei theek ke kawaja
Awan acï luɔ̈t ë yath yic
Ku bïï pan Apirika
Ee yath yen akëëk mïth Apirika
Ku dɛ̈lden ee tök mïth Apirika
Ku dɛ̈lden ee tök ku Nhialic den ee tök.
Yïn Babanjida
Cäk ë wët ekë looi alei kek kawaja
Lɔŋ cuëëc Apirika
Nilson Mandila
Abuɔ̈c kek kawaja
Ku ɣɛn ke kueŋ kawaja
Cɔl rot acït Nakaroma
Alɛi arɛc pan Apririka
Bɛn kä pääc mïth Apirika
Bɛn kä lɔ̈ɔ̈r puɔ̈l mïth Apirika
Ku dam kä luɔɔi pïr kɔc Apirika
Kɔc col kiɛ̈n tɔ̈ Amerika
Aa wiɛ̈c bïk dhuk ciëën pan Apirika
Aa mïth Apirika, acïn kɔc col kiɛ̈n cï kaŋ rëër Amerika.
Nhialic anhair Apirika
Tïŋ jɛɛk cï Nhialic yiëk Apirika
Yen awic alei kek Kawaja
Panda pan Apirika, awär Amerika
Acïn këliu pan Apirika
Ee tiɛɛl yen arɛc pan Apirika
Matku ɣo yiic mïth Apirika
Matku ɣo yiic mïth Apirika.
Muɔrwël Ater Muɔrwël