Agamlöŋ Online

Nhialic ee yïn kɔc tɛ̈k riɛl
Paandlɛ̈ acï rum riɛl
Ku acä bï päl keek bïk muk riɛl
Aba bɛ̈ɛ̈i bei riɛl
Të cɔk alei bɛ̈n ke riɛl
Ka cï piɛnydiɛ̈ rum riɛl
Piändiɛ̈ aba dɛɛtic bï riɛl
Acïn raan cï wädït kaŋ peec riɛl.

Piɛŋkä arɛɛl raan bɛ̈n mɛɛc
Tëwäär nɛ̈k yen Muɔnyjäŋ Dhɛɛn
Meth aye gut yic uthur ku cuɛt mɛɛc
Aacï kaciɛ̈ näk bɛɛŋ.

Babanutha kek Dhɛɛn
Aaŋic kɔckiɛ̈n cï määr thɛɛr
Ku acï ya aciɛɛn
Wek aa ɣa tɛ̈m bɛɛn
Ku yen acï week yiëk thɛɛŋ.

Kɔckiɛ̈n cï Babanutha kuɔ̈t mɛɛc
Ku jɔlke tiɛɛt mɛɛc
Bïk thou kalɛɛŋ
Yen acï ye yic bɛn ber Dhɛɛn.

Acïn raan cï luk luɔ̈k ɣɛɛn
Diɛ̈t ɣɛn akëc bɛn nɔ̈k Dhɛɛn
Yïn babanutha wek Dhɛɛn
Këdun acï ya aciɛɛn.

Kɔckiɛ̈n cï dëp mɛɛc
Aacï bï tɛɛm ke ɣɛɛn
Wek aacï ɣa kɔŋ tɛ̈m bɛɛn.
Nhialic abä bɛn yiëk riɛl,
Ku piny abä bɛn cuɔ̈ɔ̈t kɔckeɛ̈n wäär cäk nɔ̈k Dhɛɛn
Ku Nhialic acï week bï bɛn puɔ̈l
Bäk keek bɛn näk bɛɛŋ
ku bïk bɛn thou kalɛɛŋ.
Yïn Babanutha, këdu acï ya aciɛɛn
Yïn acä bï puɔ̈l ba tɛ̈m bɛɛn
Ku yen ee lan Dhɛɛn.

Ater yen këdiɛ̈n thɛɛr
Yen aye ɣa cɔɔl muɔɔr cieŋ göök
Yen acï ɣɛn wun alei thiärou göök
Ɣɛn ee muɔr wuɔ̈t göök
Na cɔk atɛr ɣa gööm
Ka ŋuɔt ke ya göök
Ɣɛn acie baai köök
Ee köt yen aya döök.

Muɔrwël Ater Muɔrwël