Maany
Aduɛɛr Malual
Ca meth nhiaar apɛi
Go diët ɣa gɔc rot amɛtic
Ba ciët akɔ̈l kek puɔl
Ɣɛn athut aduɛɛr Malual.
Cï lec atur cï tuŋ ë pɛɛi.
Nyan athut acä ŋiëëc dhël la penden
Piändiɛ̈ ee cool ku ruu panden
Nhialic ba rot mat panden
Ba ya gurgur panden.
Ena la cööt panden,
Ke diët ɣa cï ben jäl panden
Meth aca nhiaar abä pɛ̈n thar aŋuem
Aŋuɛ̈ɛ̈n ba rot mat panden.
Meth aya tïŋ aba thok la jaaj
Cï wɛ̈t ëke cam cuɛɛi bïk thook
Aa la jaaj,
Ku ben ciët kirdiɛ̈n Majök yen ca kaac
Bï Majök awel jaaj
Meth aye pändiɛ̈ jaaj
Na cɔk luum ala jaaj
Ka bï luɔɔny cïmën acaak
Meth acä koŋ puöl bï raanda la jaak
Ee yen tiŋdiɛ̈n ba thiaak.
Majök ɣɔɔc ɣɔ̈k kadhiëc tënë wɛ̈t gäk
Ba ya weec bï ɣa bäk
Cï wɛ̈t ëke nin ruäi nhom
Bïk ruu bïke bäk
Meth aye ɣɛn lïïth aba thok läk
Wɛ̈tde aye ɣɛn ruu täk bï ɣa bäk
Aba ciët dor cï mapɔ̈rɔ wee
Ee wɛ̈t dhäk.
Ena tiëŋ meth të cɛth yen
Ke piändiɛ̈ la kuruum
Meth aya tïŋ aba puöu la yum
Meth acït Abaŋ Awut
Meth akoor ku le kut.
Muɔrwël Ater Muɔrwël